暫離科技，重拾與人的連繫

🌐 EN

每日機不離手，係現代人嘅日常。滑手機、回訊息、刷短片，彷彿讓我們接觸世界，但你有冇發現——同時，我哋同身邊嘅人卻愈走愈遠？

同朋友食飯，對面低頭打字；同屋企人傾計，大家都係望住螢幕。即使身處同一空間，心靈卻可能早已「離線」。

但其實，重建連結唔需要大改變，只需要偶爾「登出」 科技，登入生活。

3 個簡單小練習，讓你重新「出現」： 

• 獨處時，放低手機，望吓四周。


  你會發現有啲細節好耐未留意過——街角嘅咖啡香、陽光灑落窗台嘅溫度，甚至你自己嘅呼吸。

• 同人相處時，試下真誠咁傾下計。

  唔使講大道理，可以係問一句「你最近點呀？」都可能係佢今日最溫暖嘅時刻。

• 食飯時，試下手機面朝下，心向對方。

  品嚐美食嘅同時，品嚐身邊嘅人陪你一齊吃飯嘅幸福。

有時，我哋唔係冇時間，只係俾科技搶走咗專注力。而最有力量嘅連結，往往發生喺無手機嘅時候。

重新專注、重新聆聽、重新出現——你會發現，真正豐盛嘅，其實係眼前人與人嘅交流。

這並不是一種「反科技」的呼籲，而是一種提醒：別讓連線嘅世界，偷走你與世界嘅真正連結。